عاجل بس كلمة احبك

بس كلمة احبك منتظرها اسنين
بس كوليها فدوة شبيج ريحيني
بغربال العمر غربلت لسنين
وانتي الي طلعتي باناتج اسنيني
اريد آنه اشوفج واشبع العين
من شوفت عيونج ماتمل عيني
مو تدرين احبج وآنه اموت اعليج
لتظمينة حبج يلا راويني
بس كلّيلي احبك لاتخافيني
كم مرّة السألتج ها...تحبيني؟؟
حبج بالكلب صدكيني للموت
وماينّسي الصاير بينج وبيني
جا خجلانة مني وماتكولين؟
لو انتي بدلالج بس تعذبيني
يالدوم اعلة بالي ومانسيتج يوم
اتمنى انتي مثلي ومانسيتيني
احب اسمج صدك من دون الاسماء
واحب اسمي شكثر لمّن تناديني
الج وحشة بكثر ماكاظم يكول
وعلى كولة نزار بشعره زيديني
ومثل ماكال اجمل عيني مابالكون
الساهر رجع ويكول احبيني

احبيني احبيني احبيني